İsrail Qəzzadakı qaçqın düşərgəsinə növbəti hücumu həyata keçirib

İsrailin Qəzza zolağının mərkəzi hissəsində yerləşən Nuseyrat qaçqın düşərgəsinə növbəti hücumu dinc sakinlər arasında ölümlə nəticələnib.

"Operativ Məlumat Mərkəzi-OMM" xəbər verir ki, bu barədə "Əl-Cəzirə" telekanalı məlumat yayıb.

Telekanalın məlumatına görə, məscidin yaxınlığında yerləşən iqamətgah bombalanıb.

Bureyc qaçqın düşərgəsi yaxınlığında radikal qruplaşmaların yaraqlıları ilə İsrail əsgərləri arasında toqquşmalar davam edir və orada tanklar yerləşdirilib.

İsrailin Nuseyrat qaçqın düşərgəsinə hücumu nəticəsində azı 20 nəfər ölüb, onlarla insan itkin düşüb.