HƏMAS hərəkatı atəşkəs razılaşmasının birinci mərhələsini uzatmaqdan və bütün girovları azad etməkdən imtina edərsə, İsrail Qəzza zolağında hərbi əməliyyatları bərpa etməyi planlaşdırır.
"Operativ Məlumat Mərkəzi-OMM" xəbər verir ki, bu barədə “Kan” dövlət televiziya və radio şirkəti məlumat yayıb.
Məlumata görə, İsrail tərəfi HƏMAS-a qarşı təzyiqləri mərhələli şəkildə artırmaq niyyətindədir, bununla yanaşı, zolağa humanitar yardımın girişini kəsməkdədir.
İsrail bundan sonra Qəzza əhalisinin şimaldan cənuba təxliyyə ediləcəyini elan edə və lazım gələrsə, Fələstin anklavına elektrik enerjisinin verilməsini tamamilə kəsə bilər.
