İsrail ordusu evlərə basqınlar zamanı təxminən 70 fələstinlini saxlayıb

İsrail əsgərləri İordan çayının qərb sahilinin şimalında yerləşən Selfit şəhərinin Deyr-İstiyə qəsəbəsində bir çox evə basqın ediblər.

"Operativ Məlumat Mərkəzi-OMM" Fələstinin rəsmi xəbər agentliyi olan WAFA-ya istinadən xəbər verir ki, İsrail qüvvələri son günlər Deyr-İstiyə qəsəbəsinə davamlı basqınlar təşkil edib və qəsəbənin giriş-çıxışlarını maneələrlə bağlayıb.

Məlumatda İsrail qüvvələrinin Deyr-İstiyə qəsəbəsində aralarında qocalar da daxil olmaqla 70-ə yaxın fələstinlinin nəzarətə alındığı bildirilib.