Afət Ziyadqızı
Fələstinin radikal HƏMAS hərəkatı tərəfindən azad edilən yeddi israilli girovdan ibarət ilk qrup hazırda İsrailə yollanır.
"Operativ Məlumat Mərkəzi-OMM" xəbər verir ki, bu barədə məlumatı İsrail Müdafiə Qüvvələri (IDF) özünün rəsmi Teleqram kanalında yayıb.
“Yeddi girov hazırda İDF və Baş Təhlükəsizlik Xidmətinin müşayiəti ilə İsrailə qaytarılır və burada onlar ilkin tibbi müayinədən keçəcəklər,” – deyə məlumatda bildirilir.
Girovların azad olunması tərəflər arasında əldə edilmiş razılaşma çərçivəsində həyata keçirilir. Hazırda onların sağlamlıq vəziyyəti ilə bağlı əlavə məlumat verilməyib.
