İrkutsk vilayətinin Vixorevka şəhərindəki yay düşərgəsində yanğın baş verib.

"Operativ Məlumat Mərkəzi-OMM" xəbər verir ki, bu barədə Bratsk vilayətinin meri Aleksandr Dubrovin öz "Telegram" kanalında məlumat verib.

O qeyd edib ki, yanğının söndürülməsi çətin və təhlükəli olub. Güclü küləklər və quru hava yanğının dərhal bitki örtüyü və tərk edilmiş binalar vasitəsilə yayılmasına səbəb olub. Yanğının yayılma təhlükəsi ilə əlaqədar düşərgə sakinlərinin təxliyyəsinə başlanılıb, onlar üçün avtobuslar hazırlanıb.

Fövqəladə Hallar Nazirliyinin əməkdaşları və könüllüləri yanğının söndürülməsi üçün hadisə yerində işləyir.

Türkiyənin Van şəhərində, İranla sərhəddəki Başkelə rayonunda hərbi maşın aşıb.

"Operativ Məlumat Mərkəzi-OMM" xəbər verir ki, bu barədə “Haber Global” məlumat yayıb.

Hadisəyə səbəb sürücünün idarəetməni itirməsi olub.

Qəza nəticəsində 11 hərbçi yaralanıb.

Onlardan 6-sının durumunun ağır olduğu bildirilib.

Xəsarət alanlar xəstəxanaya yerləşdiriliblər.

Rusiya Müdafiə Nazirliyi Ukraynanın Xarkov vilayətindəki Staritsa yaşayış məntəqəsi üzərində nəzarəti ələ alıb.

"Operativ Məlumat Mərkəzi-OMM" bu barədə Rusiya Müdafiə Nazirliyinə istinadən xəbər verir.

Nazirlik bildirib ki, qoşunlar ölkənin içərilərinə doğru irəliləyiblər.

Ukraynanın rəsmi qurumları hələ ki, bu bəyanatı şərh etməyiblər.

Krım tatarlarının pozulan hüquqları hələ də bərpa olunmayıb.

"Operativ Məlumat Mərkəzi-OMM" xəbər verir ki, bu, Türkiyə Xarici İşlər Nazirliyinin Krım Tatar Türk xalqının 1944-cü il mayın 18-də sovet hakimiyyəti tərəfindən sürgün edilməsinin 80-ci ildönümü ilə bağlı yaydığı bəyanatda əks olunub.

“80 il əvvəl, bu gün yüz minlərlə Krım tatarı ana vətənlərindən zorla çıxarılaraq müxtəlif ölkələrə sürgün edilib, qeyri-insani davranışlara məruz qalıblar. Nəticədə aralarında yaşlı, uşaq və qadın olmaqla xeyli sayda insan həyatını itirib. Krımın qeyri-qanuni ilhaqı isə yeni kədərlərə səbəb olub”.

Qeyd olunub ki, Türkiyə hər zaman Krım tatarlarının yanında olacaq: “Çərkəz sürgünü” Türkiyənin kədərlə xatırladığı bir başqa faciədir. Bundan 160 il əvvəl mayın 21-də Qafqaz xalqları çox ağır şərtlərlə ana vətənlərini tərk etməyə məcbur qaldılar, çox sayda insan həyatını itirdi. Krım tatarlarının və Qafqazın qardaş xalqlarının kədərlərini paylaşır və xatirələrini hörmətlə anırıq”.

Türkiyənin xarici işlər naziri Hakan Fidan mayın 19-da Pakistana rəsmi səfər edəcək.

"Operativ Məlumat Mərkəzi-OMM" “CNN Türk”ə istinadən xəbər verir ki, o, pakistanlı həmkarı ilə görüşəcək.

Tərəflərin ikitərəfli və regional məsələləri müzakirə edəcəkləri bildirilib.

Səfər 2 gün davam edəcək.

Rusiyanın Sankt-Peterburq şəhərində S.M.Budyonnı adına Hərbi Rabitə Akademiyasının təsərrüfat ərazisində partlayış baş verib, yeddi hərbçi yaralanıb.

"Operativ Məlumat Mərkəzi-OMM" xəbər verir ki, bu barədə Leninqrad Hərbi Dairəsinin mətbuat xidmətindən bildirilib.

Qeyd edilir ki, hadisə akademiyanın zirzəmilərdən birinin təmizlənməsi zamanı partlayış baş verib. Partlayış nəticəsində yeddi hərbçi yaralanıb. Zərərçəkənlərin hamısı Rusiya Müdafiə Nazirliyinin Tibb Müəssisəsinə aparılıb və onlara tibbi yardım göstərilir.