Afət Ziyadqızı
İraqda fəaliyyət göstərən şiə militant qrupları son 24 saat ərzində ABŞ-nin İraqdakı və digər ölkələrdəki hərbi obyektlərinə 30-dan çox hücum həyata keçirdiklərini iddia ediblər.
"Operativ Məlumat Mərkəzi-OMM"xəbər verir ki, bu barədə TASS məlumat yayıb.
Bildirilib ki, bu açıqlama bir sıra radikal qrupları birləşdirən İraq İslam Müqaviməti alyansının bəyanatında yer alıb.
Bəyanatda qeyd olunur: “Son 24 saat ərzində tərəfdarlarımız İraqda və regionda düşmən hədəflərinə və bazalarına qarşı döyüş dronları və raketlərdən istifadə edərək 31 hərbi əməliyyat həyata keçiriblər”.
