İsrail mediası İranın raket istehsal imkanları ilə bağlı yeni qiymətləndirmə yayıb.
“Operativ Məlumat Mərkəzi-OMM” xəbər verir ki, "Times of Israel"in məlumatına görə, İsrailin həyata keçirdiyi hücumlar İranın ballistik raket istehsalı sənayesinə ciddi zərər vurub.
Hesabatda İsrailin yüksək rütbəli hərbi rəsmilərinə istinadən bildirilib ki, Tehranın hazırda yeni raket istehsal etmək qabiliyyəti əhəmiyyətli dərəcədə zəifləyib. Qiymətləndirmə, əsas hərbi istehsal obyektlərinə endirilən zərbələrdən sonra aparılıb.
Bununla belə, rəsmilər qeyd ediblər ki, İranın mövcud istehsal imkanlarını qismən bərpa etmək üçün sürətli addımlar atması mümkündür.
Məlumata görə, bərpa prosesinin sürəti gələcəkdə ABŞ ilə mümkün razılaşmalarda İranın raket proqramına qoyula biləcək məhdudiyyətlərdən, Çin kimi tərəfdaşlardan əldə olunan texnologiya və materiallardan, eləcə də Tehran tərəfindən ayrılan maliyyə resurslarından asılı olacaq.
