İranın dəstəklədiyi qruplar ABŞ-nin Suriyadakı bazasına raket zərbələri endirib

Suriyanın Deyr əz-Zor əyalətində İranın dəstəklədiyi qruplar ABŞ ordusunun yerləşdiyi bazaya raketlərlə hücum edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Günorta saatlarında Fərat çayının qərb sahilində Deyr əz-Zorda, ABŞ qüvvələrinin yerləşdiyi Koniko Qaz Zavodunda bazaya raketlərlə hücum edib.

ABŞ qüvvələrinin hava hücumundan müdafiə sistemləri raketlərdən birini hədəfinə çatmamış havada məhv edib, biri isə baza ətrafındakı mülki yaşayış məntəqəsinə düşüb.

Raketin mülki yaşayış məntəqəsinə düşməsi nəticəsində insan tələfatı qeydə alınmayıb.

ABŞ hələlik hücumla bağlı açıqlama verməyib.