Afət Ziyadqızı
İranın Buşehr Atom Elektrik Stansiyasından təxliyə olunan 175 rusiyalı işçi Yerevandan Moskvaya xüsusi reyslə yola düşüb.
"Operativ Məlumat Mərkəzi-OMM" xəbər verir ki, bu barədə məlumatı Rusiyanın Ermənistandakı səfirliyi yayıb.
Diplomatik nümayəndəlikdən bildirilib ki, aprelin 6-da Buşehr Atom Elektrik Stansiyasının təxliyə edilən işçilərindən ibarət daha bir qrup İrandan Nurduz-Aqarak sərhəd keçid məntəqəsi vasitəsilə Ermənistana daxil olub və onların tərkibində olan 175 Rusiya vətəndaşı xüsusi reyslə Yerevandan Moskvaya göndərilib.
Səfirlik həmçinin Rosatom Dövlət Korporasiyası əməkdaşlarının operativ qeydiyyatına və göstərilən diqqətə görə Ermənistan hakimiyyətinə təşəkkürünü ifadə edib.
