İran Xarici İşlər Nazirliyinin sözçüsü Nasser Kenani nazirliyin rəsmi internet saytının sındırıldığını bildirib.
"Operativ Məlumat Mərkəzi-OMM" İRNA-a istinadən xəbər verir ki, Kenani saytın kiberhücuma məruz qaldığını, lakin şəxsi məlumatların ələ keçirilmədiyini qeyd edib.
Qeyd edək ki, İran mətbuatında yer alan xəbərə görə, bir haker qrupunun hücumu nəticəsində Xarici İşlər Nazirliyinin internet saytı bir müddət fəaliyyətini dayandırıb. Hücumu həyata keçirən qrup nazirliyin bir çox məxfi sənədlərini ələ keçirdiyini iddia edib.
Ələ keçirilən məlumatlar arasında şəxsiyyəti təsdiq edən sənədlər, nazirliyin yazışmaları, telefon nömrələri və minlərlə nazirlik əməkdaşının siyahısı olduğu iddia edilib.
