İranın Birləşmiş Hərbi Komandanlığı kəskin bir bəyanatla çıxış edərək, Yaxın Şərq ölkələrində fəaliyyət göstərən ABŞ və İsraillə əlaqəli bankları və maliyyə qurumlarını özünün legitim hədəfi elan edib.
“Operativ Məlumat Mərkəzi-OMM” agentliyinin Yaxın Şərq KİV-lərinə istinadən verdiyi məlumata görə, bu qərar İsrail-ABŞ hava zərbələri nəticəsində Tehranda bank əməkdaşı ilə bağlı baş vermiş insidentin fonunda qəbul edilib.
Gözlənilən hərbi cavab tədbirləri çərçivəsində zərbələrin birbaşa ABŞ və İsrail maraqlarına xidmət edən maliyyə mərkəzlərinə endiriləcəyi vurğulanıb. Rəsmi bəyanatda qeyd olunur: "Bu qeyri-qanuni və qeyri-ənənəvi müharibə aktı ilə düşmən bizə zərbələr endirmək üçün yaşıl işıq yandırıb".
Mümkün təhlükələri nəzərə alan hərbçilər mülki əhalini xəbərdar edərək, onları bu cür hədəf seçilmiş qurumların bir kilometr radiusunda olmamağa çağırıblar.
