“İran Aİ ölkələrinin silahlı qüvvələrini terror təşkilatı kimi tanıyıb”.
“Operativ Məlumat Mərkəzi-OMM” xəbər verir ki, bu barədə İsmayıl Bəqayi bildirib.
Diplomatın sözlərinə görə, Avropa İttifaqına üzv 27 dövlətin silahlı qüvvələrinin Fars körfəzində və regionda mövcudluğu bundan sonra fərqli şəkildə qəbul ediləcək.
“Bundan sonra 27 Aİ üzv dövlətinin silahlı qüvvələrinin bölgəmizdə və Fars körfəzində olması fərqli şəkildə qəbul ediləcək, çünki onlar artıq terror təşkilatları hesab ediləcək və nəticələrinin və təsirinin nə olacağını təxmin edə bilərsiniz”, – deyə o vurğulayıb.
Qeyd edək ki, fevralın 19-da Aİ Şurası İslam İnqilabı Keşikçiləri Korpusu-nu rəsmi olaraq terror təşkilatı kimi tanıyıb. Buna cavab olaraq, fevralın 21-də İran bütün Aİ üzv dövlətlərinin dəniz və hava qüvvələrini terror təşkilatları siyahısına daxil edib.
