İran İslam Respublikası Ordusu Küveyt və Bəhreyndə yerləşən ABŞ hərbi obyektlərinə qarşı hücumlar həyata keçirib.
“Operativ Məlumat Mərkəzi-OMM” xəbər verir ki, İranın rəsmi xəbər agentliyi “IRNA”nın məlumatına görə, əməliyyat zamanı pilotsuz uçuş aparatlarından (PUA) istifadə olunub. Hücumların Bəhreyn və Küveytdə yerləşən ABŞ-yə məxsus hərbi mövqelərə qarşı həyata keçirildiyi bildirilib.
Rəsmi Tehran bu addımın İrana qarşı həyata keçirilən son hərbi əməliyyatlara cavab olduğunu açıqlayıb.
Hadisə Yaxın Şərqdə gərginliyin artdığı bir vaxtda baş verib. İran tərəfi hücumların ölkəyə qarşı yönəlmiş hərəkətlərə cavab xarakteri daşıdığını bildirib. Hazırda ABŞ və digər beynəlxalq qurumların hadisə ilə bağlı rəsmi açıqlamaları gözlənilir.
