İran İslam Respublikası Ordusu Bəhreyndə yerləşən ABŞ hərbi bazasına hücum həyata keçirdiyini açıqlayıb.
“Operativ Məlumat Mərkəzi-OMM” xəbər verir ki, İran ordusunun yaydığı bəyanata əsasən, “Al-Sakhir” aviabazası hədəfə alınıb. Əməliyyat zamanı ABŞ-yə məxsus helikopterlərin və “P-8” kəşfiyyat təyyarələrinin yerləşdiyi ərazilərə “Arash” tipli kamikadze dronları ilə zərbələr endirildiyi bildirilib.
İran tərəfi hücumun qarşı tərəfin mülki infrastruktura və əhaliyə qarşı həyata keçirdiyi əməliyyatlara cavab olaraq reallaşdırıldığını qeyd edib. Bəyanatda bu addımın “təcavüzkar hərəkətlərə mütənasib cavab” olduğu vurğulanıb.
İran Silahlı Qüvvələri ölkənin təhlükəsizliyinin və müstəqilliyinin qorunmasının əsas prioritet olduğunu bildirib. Rəsmi açıqlamada hər hansı təhdidə qarşı operativ və sərt cavab veriləcəyi qeyd olunub.
