İran müharibənin tam dayandırılmasını tələb edir - Əraqçi

"İranın heç bir atəşkəs təklifi ilə razılaşmaq niyyəti yoxdur, rəsmi Tehran üçün yeganə məqbul seçim müharibənin tamamilə dayandırılmasıdır".

"Operativ Məlumat Mərkəzi-OMM" xəbər verir ki, bu sözləri İranın xarici işlər naziri Abbas Əraqçi deyib.

"Bir çox dost ölkələr öz ideyalarını təqdim etdilər və sülhün bərqərar olmasında rol oynamağa hazır olduqlarını bildirdilər. Bu istiqamətdə səy göstərən bütün dostlarımıza təşəkkür edirik. Lakin bizim mövqeyimiz belədir: biz atəşkəsi qəbul etmirik. Müharibənin ilkin şərtlərimizə cavab verən şəkildə, müharibənin bütün regionda bitməsi və İrana dəyən ziyanın ödənilməsi ilə sona çatması üçün bir fikir ortaya çıxsa, biz mütləq qulaq asmağa hazırıq”, - o bildirib.

Əraqçi qeyd edib ki, İran atəşkəs gözləmir, çünki oxşar ssenarinin tezliklə təkrarlanmasını istəmir:

"Biz müharibənin bütün regionda tamamilə və birdəfəlik bitməsini istəyirik".