İran Yaxın Şərqdə müharibə istəmir, İsrail regionda genişmiqyaslı münaqişə yaratmağa çalışır.

"Operativ Məlumat Mərkəzi-OMM" xəbər verir ki, bunu İran prezidenti Məsud Pezeşkian deyib.

O, BMT Baş Assambleyası çərçivəsində jurnalistlərə açıqlamasında müharibə istəmədiklərini deyib.

"Biz hamıdan çox bilirik ki, Yaxın Şərqdə böyük müharibə başlayarsa, bu, dünyada heç kimə fayda verməyəcək. Burada daha böyük münaqişəni yaratmağa çalışan İsraildir", - İran prezidenti əlavə edib.

Pezenşkian həmçinin Qəzza zolağında İsrailin vəhşiliklərinə məhəl qoymayan ABŞ və digər Qərb ölkələrinin ikili standartlarına diqqət çəkib.

İran Prezident Məsud Pezeşkian bu ilin noyabrında Rusiyada Prezident Vladimir Putinlə görüşəcək.

"Operativ Məlumat Mərkəzi-OMM" “Tasnim”a istinadən xəbər verir ki, bunu İran hökumətinin sözçüsü Fatimə Mühacirani sentyabrın 24-də keçirdiyi mətbuat konfransında bildirib.

Onun sözlərinə görə, Məsud Pezeşkian BRİCS-in zirvə toplantısında iştirak etmək üçün noyabrda Tatarıstanın Kazan şəhərinə səfər edəcək. O, tədbir çərçivəsində Rusiya Prezidenti ilə də ikitərəfli görüş keçirəcək.

Türk ixracatçıları ABŞ-ın sanksiya təzyiqi qarşısında Rusiya Federasiyası ilə kommersiya problemlərinin həllində kömək istəmək üçün dövlət qurumları ilə əlaqə saxlamağa başlayıblar.

"Operativ Məlumat Mərkəzi-OMM" xəbər verir ki, bu barədə "RİA Novosti" respublika banklarından birindəki mənbəyə istinadən yazır.

Agentliyin həmsöhbəti “dövlət qurumları olaraq Rusiya ilə birbaşa iş aparan ixracatçılarımızdan sorğular alırıq”, - deyə bildirib.

Ölkələr arasında ödənişlərdə yaranan çətinliklər artıq Türkiyənin elektronika, metallurgiya və avtomobil istehsalı sahələrində ixracının əhəmiyyətli dərəcədə azalmasına səbəb olub. Azalma təxminən 30 faiz təşkil edib.

Türkiyə bankları bu yaxınlarda Rusiya ilə bağlı əməliyyatlara xidmət göstərməyi dayandırmağa çalışıb.

Rusiyada son bir həftədə COVID19-a yoluxma halları 11,4% artıb, xəstəxanaya yerləşdirilənlərin sayı 18,2% azalıb.

"Operativ Məlumat Mərkəzi-OMM" xəbər verir ki, bu barədə ölkənin infeksiyaya qarşı mübarizə üzrə federal operativ qərargahı xəbər verib.

Rusiya Federasiyasının 39 bölgəsində xəstəxanaya yerləşdirilənlərin sayında artım, 65-də isə xəstələnmə qeydə alınıb.

Qərargahın məlumatına görə, bir həftə ərzində koronavirusa yoluxan 33 823 nəfər sağalıb ki, bu da əvvəlki həftə ilə müqayisədə 38% çoxdur, 27 nəfər isə dünyasını dəyişib.

Ermənistan Cənubi Qafqazda sabitliyin bərqərar olmasında maraqlıdır və Azərbaycanla ən qısa zamanda sülh sazişi imzalamağa hazırdır.

"Operativ Məlumat Mərkəzi-OMM" Ermənistan KİV-ə istinadən xəbər verir ki, bunu Nyu-Yorkda BMT Baş Assambleyasının 79-cu sessiyası çərçivəsində ATƏT-in fəaliyyətdə olan sədri, Maltanın xarici işlər naziri və Malta Parlamentinin üzvü İan Borqla görüşü zamanı Ermənistanın xarici işlər naziri Ararat Mirzoyan deyib.

Bundan əlavə, A.Mirzoyan italiyalı həmkarı Antonio Tayani ilə də danışıqlar aparıb. Tərəflər, həmçinin İrəvan və Bakı arasında münasibətlərin normallaşdırılması prosesini müzakirə ediblər.

Ukraynada qondarma qələbə planının həyata keçirilməsinə Rusiya ilə danışıqlar daxil deyil.

"Operativ Məlumat Mərkəzi-OMM" xəbər verir ki, bunu Ukrayna lideri Vladimir Zelenski Amerikanın ABC telekanalına müsahibəsində deyib.

“Bu, Rusiya ilə danışıqlardan getmir. Bu, diplomatik yola körpüdür, söhbət müharibəni necə dayandırmaqdan gedir”,- deyə o, ABC-nin “qələbə planında” Rusiya Federasiyası ilə danışıqların olub-olmaması ilə bağlı sualını cavablandırarkən deyib.

Zelenskinin sözlərinə görə, onun haqqında danışdığı “körpü” qələbə planıdır.