İran ilə ABŞ arasında anlaşma memorandumunun həyata keçirilməsi mexanizmləri və əlaqəli işçi qruplarının yaradılması ilə bağlı texniki danışıqlar İsveçrədə başlayıb. Buna səbəb, iki ölkə arasında əldə olunmuş razılaşmanın praktiki mərhələyə keçirilməsi və tərəflər arasında birbaşa əlaqələndirmənin təmin edilməsidir.
"Operativ Məlumat Mərkəzi-OMM" xəbər verir ki, bu barədə məlumat İran dövlət mediasının yaydığı rəsmi hesabatda yer alıb.
Məlumata görə, bazar ertəsi günü start götürən texniki müzakirələrdə ölkələrin nümayəndə heyətləri memorandumun icra detallarını nəzərdən keçirirlər. Bildirilib ki, danışıqlarda iştirak edən İran nümayəndə heyətinə xarici işlər nazirinin müavini Kazem Qəribabadi rəhbərlik edir.
Hesabatda tərəflərin prosesin uğurla idarə olunması üçün birgə işçi qruplarının strukturunu və gələcək fəaliyyət planını formalaşdırmağa başladıqları vurğulanır.
