İrannın Qahirədəki səfiri Müctəba Firdovsi Pur ABŞ Prezidenti Donald Trampın iddialarına cavab verib.
"Operativ Məlumat Mərkəzi-OMM" xəbər verir ki, diplomat bu barədə TASS agentliyinə müsahibəsində danışıb.
Məlumata görə, səfir İranın heç vaxt təslim olmayacağını və təzyiq altında danışıqlar aparmayacağını vurğulayıb. O bildirib: “ABŞ-nin bizimlə güc mövqeyindən danışmasına icazə verməyəcəyik. İran heç vaxt təslim olmayacaq və təzyiq və növbəti hücum təhdidləri altında danışıqlar aparmayacaq”.
Bildirilib ki, Tehran Vaşinqtonla mümkün danışıqlarda raket proqramını və ya regionda dəstəklədiyi silahlı qrupları müzakirə etməyi planlaşdırmır.
Səfir əlavə edib ki, ABŞ İranın nüvə proqramı ilə bağlı bütün qanuni hüquqlarına hörmət etməlidir.
