OMM Redaksiyası
"İran ABŞ və İsrailin hücumları nəticəsində dəyən ziyana görə kompensasiya almaq üçün güc tətbiq edəcək və bunun üçün lazımi vasitələrə malikdir".
"Operativ Məlumat Mərkəzi-OMM" xəbər verir ki, bu sözləri İran Silahlı Qüvvələri Baş Qərargahının sözçüsü Əbülfəzl Şəkarçi deyib.
"Düşmənimizlə müharibənin vurduğu ziyana görə kompensasiya almaq üçün güc tətbiq edəcəyik. Kompensasiya almaq üçün vasitələrimiz var", - o qeyd edib.
Xatrıladaq ki, İsrail və ABŞ 28 fevralda İrana qarşı əməliyyatlara başlayıb və hərbi kampaniyanın məqsədinin İranı raket proqramından və nüvə silahı imkanlarından məhrum etmək olduğunu bildiriblər. İran İsrailə, eləcə də bölgədə yerləşən Amerika qoşunlarına və enerji obyektlərinə qarşı cavab zərbələri endirib.
