"Apple" rekord gəlir əldə edib və "iPhone" satışlarının artdığını açıqlayıb.
"Operativ Məlumat Mərkəzi-OMM" xəbər verir ki, bu barədə "The Verge" nəşri məlumat yayıb.
Dördüncü rübün maliyyə hesabatında qeyd edilib ki, gəlir əvvəlki illə müqayisədə 6 faiz artaraq 94,9 milyard dollara çatıb.
Eyni zamanda, şirkət uzun müddətdir davam edən vergi mübahisəsi bitdikdən sonra İrlandiyaya 10,2 milyard dollar ödəməli olub.
"iPhone" satışları 2023-cü ilin dördüncü rübündəki 43,8 milyard dollardan 46,22 milyard dollara çatıb.
Şirkət hələ də bütün istifadəçilər üçün "Apple Intelligence" süni intellekt (AI) alətlərini işə salmayıb, baxmayaraq ki, "Apple"-ın smartfon satışları artıb.
