Dünyanın ən məşhur sosial media platformalarından biri olan Instaqram birbaşa mesajlaşma (DM) funksiyası üçün mühüm yeniliklər təqdim edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, istifadəçilərin mesajlaşma təcrübəsini daha funksional hala gətirməyi hədəfləyən Meta, Instaйram DM-lərini iMessage kimi güclü mesajlaşma proqramlarına rəqib etmək istəyir.
DM-lərə tərcümə və planlaşdırılmış mesaj funksiyası əlavə edilib.
İstifadəçilər mesajın üzərinə uzun basaraq "Tərcümə et" seçimini seçdikdə, Instagram mesajı proqramda müəyyən edilmiş üstünlüklərə uyğun olaraq avtomatik tərcümə edəcək.
Bundan əlavə, əvvəllər təqdim edilmiş planlaşdırılmış mesaj funksiyası da yenilənmiş DM-lərə daxildir. Bu funksiya ilə istifadəçilər müəyyən bir vaxtda göndəriləcək mesajlarını əvvəlcədən planlaşdıra bilərlər.
