İngiltərə məktəbdə şagirdlərə mobil telefondan istifadə etməyi qadağan edəcək

İngiltərədə hökumət dərsləri pozduğunu əsas gətirərək, məktəblərdə, o cümlədən tənəffüs zamanı mobil telefonlardan istifadəni qadağan edəcək.

"Operativ Məlumat Mərkəzi-OMM" xəbər verir ki, bu barədə İngiltərə Təhsil Nazirliyindən açıqlama verilib.

Nazirlikdən verilən açıqlamada ölkədə 12 və yuxarı yaşda olan uşaqların 97 faizinin şəxsi mobil telefonu olduğu, istifadəsinə qadağa qoyulan məktəblərdə təhsilin keyfiyyətində ciddi artım olduğu bildirilib.

Açıqlamada telefonların ümumiyyətlə məktəbə gətirilməyəcəyi və ya məktəb girişlərindəki kilidli qutulara, şkaflara və ya seyflərə veriləcəyi paylaşılıb.