Afət Ziyadqızı
İndoneziyanın mərkəzində Şərqi Yava əyalətində Semeru vulkanı püskürüb.
“Operativ Məlumat Mərkəzi-OMM” bu barədə "Jakarta Globe" müşahidə məlumatlarına istinadən məlumat yayıb.
Məlumatda bildirilib ki, püskürmə nəticəsində yaranan kül vulkanın kraterindən 1100 metr və ya dəniz səviyyəsindən 4776 metr yüksəkliyə çatıb və orta intensivliklə cənuba doğru yayılır. Vulkanologiya və Geoloji Fəlakətlərin Azaldılması Mərkəzi lava və piroklastik axınların (qaz, kül və qayanın isti qarışıqları) riski səbəbindən yerli sakinləri və turistləri kraterdən 8 kilometr radiusda qalmağa çağırıb.
Qeyd olunub ki, Semeru İndoneziyada dördüncü ən yüksək vulkandır (dəniz səviyyəsindən 3676 m yüksəklikdə) və Yava adasındakı ən yüksək zirvədir.
Bildirilib ki, dünyanın ən böyük arxipelaqı olan İndoneziya 18.000 adadan ibarətdir və Sakit Okeanın "Adlı Halqa" adlanan hissəsində yerləşir ki, bu da bölgəni intensiv seysmik aktivliyə meylli edir. Ölkədə təxminən 130-u aktiv olmaqla 500-dən çox vulkan var.
