İndoneziya Fələstinin BMT-yə tamhüquqlu üzvlüyünü dəstəklədiyini açıqlayıb

İndoneziya Fələstinin Birləşmiş Millətlər Təşkilatına (BMT) tam üzvlüyünü dəstəklədiyini açıqlayıb.

"Operativ Məlumat Mərkəzi-OMM" xəbər verir ki, bu barədə "Antara News" məlumat yayıb.

Belə ki, İndoneziya xarici işlər nazirinin müavini Pahala Nuqraha Mansuri Uqandanın paytaxtı Kampalada keçirilən Qoşulmama Hərəkatına (QHH) üzv ölkələrin dövlət və hökumət başçılarının 19-cu Zirvə toplantısında çıxış edib.

Mansuri İndoneziyanın BMT-də qeyri-üzv müşahidəçi dövlət statusuna malik Fələstinin tamhüquqlu üzvlüyünü dəstəklədiyini bildirib və BMT Təhlükəsizlik Şurasında müvəqqəti üzv olan Qoşulmama Hərəkatına üzv dövlətləri Fələstinin Fələstinin tamhüquqlu üzvlüyü üçün mübarizə aparmağa çağırıb.

Kampalada Fələstin və Cənubi Afrika Respublikasının xarici işlər nazirləri ilə də görüşən Mansuri Beynəlxalq Ədalət Məhkəməsində İsrailə qarşı açılan iddiaya İndoneziyanın dəstəyini təkrarlayıb.