Azərbaycan parataekvondoçusu İmaməddin Xəlilov Cənubi Koreyanın Muju şəhərində keçirilən dünya çempionatında bürünc medal qazanıb.
K44 kateqoriyasının 70 kq çəki dərəcəsində yarışan paralimpiya çempionu mübarizəyə 1/8 final mərhələsindən başlayıb və almaniyalı Kolya Qrabeni məğlub edib.
Xəlilov 1/4 finalda Türkiyə təmsilçisi Yusuf Yünaçtını 2:0 hesabı ilə üstələyərək yarımfinala yüksəlib. Bu mərhələdə meksikalı Xuan Qarsiya ilə qarşılaşan Azərbaycan idmançısı rəqibinə məğlub olub.
Kontekst
Noyabrın 20-22-də Muju şəhərində keçirilən dünya çempionatında Azərbaycanı dörd parataekvondoçu təmsil edir. K44 kateqoriyasında İmaməddin Xəlilov (70 kq), Sabir Zeynalov (58 kq), Amin Əliyev (63 kq) və Səmayə Həsənova (47 kq) çıxış edir.