Rusiyanın Belqorod vilayətində qəzaya uğrayan İl-76 təyyarəsinin hər iki "qara qutu"su tapılıb.
"Operativ Məlumat Mərkəzi-OMM" xəbər verir ki, Rusiyanın Fövqəladə Hallar Nazirliyi, qutuların texniki baxımdan yaxşı vəziyyətdə olduğunu açıqlayıb
Kremlin sözçüsü Dmitri Peskov isə qəza ilə bağlı beynəlxalq araşdırmanın başlanmasını tələb edib.
Xatırladaq ki, ötən gün Belqorod vilayətində təyyarənin qəzaya uğraması nəticəsində 75 nəfər ölüb.
Hadisə zamanı təyyarənin göyərtəsində dəyişdirilmək üçün Belqorod vilayətinə aparılan Ukrayna Silahlı Qüvvələrinin əsir götürülmüş 65 hərbi qulluqçusu, təyyarənin 6 ekipaj üzvü və onları müşayiət edən 3 şəxs olub.
Bir sıra mənbələr təyyarənin havada olarkən vurulduğunu iddia edir.
Rusiyanın xarici işlər naziri Sergey Lavrov təyyarəyə hücumun araşdırılması üçün BMT Təhlükəsizlik Şurasının təcili iclasını çağırıb.
