"İran, ABŞ və İsrail arasındakı münaqişə dünya tarixində ən pis enerji böhranına səbəb olur".
“Operativ Məlumat Mərkəzi-OMM” xəbər verir ki , bu sözləri Parisdə Beynəlxalq Enerji Agentliyinin (BEA) direktoru Fatih Birol deyib.
"Bu, həqiqətən də tarixin ən böyük böhranıdır", - o bildirib.
"Benzin böhranı və Rusiya ilə əlaqəli qaz böhranının birgə təsirlərini nəzərə alsaq, böhran onsuz da çox böyükdür. Yaxın Şərqdəki müharibə dünya neftinin və mayeləşdirilmiş təbii qazın beşdə birinin keçdiyi Hörmüz boğazında gəmiçiliyi iflic vəziyyətinə salıb. Buna Rusiya ilə Ukrayna arasındakı müharibənin nəticələri də əlavə olunur və bu müharibə nəticəsində Rusiya qazının Avropaya tədarükü dayandırılıb. Mart ayında BEA ABŞ-İsrail müharibəsinin səbəb olduğu artan neft qiymətləri ilə mübarizə aparmaq üçün strateji ehtiyatlarından rekord həddə 400 milyon barel neft buraxmağa razılaşdı", - Birol əlavə edib.
