Afət Ziyadqızı
ABŞ-nin Hörmüz boğazını blokadaya alması Amerika qoşunları arasında daha çox itkiyə səbəb ola bilər.
"Operativ Məlumat Mərkəzi-OMM"xəbər verir ki, TASS-ın məlumatına görə, bu barədə CNN-in analitik hesabatında bildirilir.
Məlumata əsasən, boğazın blokadasını həyata keçirmək üçün ABŞ-nin əhəmiyyətli hərbi resurslar ayırması tələb olunacaq. Bu isə ordunu daha böyük risk altına sala bilər, çünki Vaşinqton indiyə qədər hücumlarının əksəriyyətini əsasən havadan həyata keçirib.
Hesabatda qeyd olunur ki, İran artıq ABŞ gəmilərinə dronlar və sürətli qayıqlarla hücum edəcəyi barədə xəbərdarlıq edib. Bu da mümkün qarşıdurma zamanı Amerika hərbçiləri arasında itkilərin artması riskini yüksəldir.
