Hollandiyanın Rotterdam şəhərindəki Boijmans Van Beuningen Muzeyində nümayiş etdirilən amerikalı rəssam Mark Rotkonun rəsm əsəri kiçik uşaq tərəfindən zədələnib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, təxminən 50 milyon avro dəyərində olan rəsm ictimai anbarda nümayiş etdirilirdi.
Muzey rəsmiləri tərəfindən verilən açıqlamada "Boz, Narıncı Maroon, No. 8" adlı əsərin altındakı laksız boya qatında kiçik cızıqlar olduğu və zərərin “səthi” olduğu ifadə edilib.
