Hindistan və Yaponiya Quru Qoşunları bölmələri Qərbi Rajasthan əyalətindəki Mahajan poliqonunda beşinci illik "Dharma Guardian" taktiki təlimlərinə başlayıblar.
"Operativ Məlumat Mərkəzi-OMM" "The Times of İndia"ya istinadən xəbər verir ki, martın 9-dək davam edəcək təlimlərin məqsədi iki ölkənin hərbi qulluqçularının döyüş əməkdaşlığını gücləndirmək və birgə əlaqəni artırmaqdır.
Təlimlərdə Yaponiya silahlı qüvvələrinin 34-cü piyada alayının və Hindistan ordusu batalyonunun "Rajputana raifles" hərbi qulluqçuları iştirak edir.
Qeyd edək ki, Hindistan və Yaponiya hər il "Dharma Guardian" çərçivəsində 2015-ci ildən bəri birgə təlimlər keçirirlər.
