HƏMAS İsrail prezidenti İsaak Hersoqun Birləşmiş Ərəb Əmirliklərinin (BƏƏ) ev sahibliyi etdiyi Birləşmiş Millətlər Təşkilatının (BMT) İqlim Dəyişikliyi üzrə Çərçivə Konvensiyasının 28-ci Tərəflər Konfransına (COP28) dəvətini pisləyib.
"Operativ Məlumat Mərkəzi-OMM" xəbər verir ki, bu barədə HƏMAS yazılı açıqlama verib.
İsrailin də konfransın təşkilatçısı olan BMT-nin Qəzzadakı obyektlərini hədəfə aldığını xatırladan bəyanatda, "BƏƏ-də keçirilən COP28-də iştirak etmək üçün sionist qurum tərəfindən prezident Hersoqa edilən dəvəti pislədiyimizi elan edirik",- deyə vurğulanıb.
“Biz ev sahibi ölkə kimi dost dövlət BƏƏ-ni konfransın xarakterindən asılı olmayaraq, bu dəvətdən imtina etməyə təntənəli şəkildə çağırırıq”,- deyə bəyanatda qeyd olunub.
