Ermənistanın baş naziri Nikol Paşinyan 1990-cı illərdə İrəvanın nəzarətinə keçən sərhəd kəndləri ilə bağlı Azərbaycanla gərginliyi azaltmaq üçün istefa verəcək.
"Operativ Məlumat Mərkəzi-OMM" xəbər verir ki, bu barədə “Joxorvud” qəzeti yazıb.
Bu çərçivədə Baş nazir təcili partiya toplantısı edib.
“Azərbaycanın Tavuş bölgələri ilə bağlı tələbləri o qədər dərinləşib ki, Paşinyan vəziyyəti yumşaltmaq üçün istefa vermək qərarına gəlib”,- deyə mətndə deyilir.
Qəzetin məlumatına görə, Paşinyan qərara gəlib ki, bu, özünün və hökumətinin xilası olacaq.
Sənəddə həmçinin sentyabrın 10-da Ermənistanda növbədənkənar parlament seçkilərinin keçiriləcəyi bildirilib.