OMM Redaksiyası
Azərbaycanın bəzi yerlərində yağıntılı hava şəraiti müşahidə olunur, şimşək çaxır, dağlıq ərazilərdə isə qar yağır.
“Operativ Məlumat Mərkəzi-OMM” xəbər verir ki, bu barədə Milli Hidrometeorologiya Xidmətinin aprelin 4-ü saat 13:00 olan məlumatında qeyd edilib.
Hazırda Bakıda və Abşeron yarımadasında, eyni zamanda Şahbuz, Ordubad, Ağstafa, Kürdəmir, Kəlbəcər, Laçın, Qubadlı, Şuşa, Gəncə, Sədərək, Şərur, Naftalan, Goranboy, Ağdam, Mingəçevir, Sabirabad, İmişli, Quba, Qusar, İsmayıllı, Bərdə, Daşkəsən, Şəmkir, Göyçay, Şəki, Zaqatala, Balakən, Yevlax, Qəbələ, Oğuz, Ağsu, Xızı, Xaltan və Tərtərdə yağış yağır.
Yüksək dağlıq ərazilər olan Xınalıq və Şahdağda isə qar yağır.
Hazırda bir sıra ərazilərdə şimal-qərb küləyi əsir. Küləyin maksimal sürəti Mingəçevir və Goranboyda 23 m/s, Naftalanda isə 22 m/s-ə çatır.
Külək Bakıda və Abşeron yarımadasında, o cümlədən Tovuz, Ağdam, Kəlbəcər və Culfada 18 m/s, Sabirabad, Cəlilabad və Qobustanda 16 m/s, Şəkidə isə 15 m/s-dək güclənir.
