2022-ci ildə Gürcüstanda yeni doğulanların sayı illik müqayisədə 7,9% azalaraq 42 319 nəfər təşkil edib.

"Operativ Məlumat Mərkəzi-OMM" xəbər verir ki, bu barədə Gürcüstan Milli Statistika İdarəsinin hesabatında bildirilib. Gürcüstanda ötən il ərzində ölənlərin sayı isə illik ifadədə 18% azalaraq 49 118 nəfər təşkil edib. Ümumilikdə, 2022-ci ildə Gürcüstanda mənfi təbii artım qeydə alınıb (-6 799).

Hesabat dövründə Gürcüstanda azərbaycanlıların kompakt yaşadığı Kvemo Kartli bölgəsində isə müsbət təbii artım qeydə alınıb. Ötən il Kvemo Kartlidə yeni doğulanların sayı 5 074 nəfər, ölənlərin sayı isə 4 528 nəfər təşkil edib.

Statistikaya əsasən 2022-ci ildə Gürcüstada körpə ölüm nisbəti hər 1000 nəfərə 7,6 nəfər, 5 yaş altı ölüm nisbəti isə hər min nəfərə 9,2 nəfər təşkil edib.

Avropa İttifaqı Ukraynaya yardımı çərçivəsində Ukraynaya 35 milyard avro kredit ayıracaq.

"Operativ Məlumat Mərkəzi-OMM" xəbər verir ki, bu barədə Avropa Komissiyasının sədri Ursula fon der Leyen sosial şəbəkədəki səhifəsində bildirib.

“Avropa Komissiyası G7 öhdəlikləri çərçivəsində Ukraynaya 35 milyard avroya qədər kredit verəcək”, - deyə o, bunun assosiasiyanın Ukraynanın bərpasına daha bir mühüm töhfəsi olduğunu vurğulayıb.

AK prezidentinin Kiyevə səfəri zamanı açıqlanan kredit G7 ölkələrinin Aİ-də dondurulmuş Rusiya aktivlərindən əldə edilən gəlirlərdən istifadə etməklə vəsait toplamaq üçün hazırladıqları daha geniş planın bir hissəsidir.

Avropa diplomatiyasının rəhbəri Josep Borrell Gürcüstan hakimiyyətini LGBT təbliğatını (Beynəlxalq LGBT İctimai Hərəkatı ekstremist və terrorçu hesab olunur) və cinsin dəyişdirilməsini qadağan edən qanunu ləğv etməyə çağırıb.

"Operativ Məlumat Mərkəzi-OMM" xəbər verir ki, o, bu barədə X sosial şəbəkəsindəki səhifəsində yazıb.

Borrelin sözlərinə görə, Gürcüstanın “ailə dəyərləri və yetkinlik yaşına çatmayanların müdafiəsi” qanunları insanların əsas hüquqlarını pozacaq, ayrı-seçkilik və stiqmanı artıracaq.

O, Gürcüstanı “ölkəni Avropa İttifaqı yolundan daha da yayındıran” qanunu ləğv etməyə çağırıb.

Avstriyada son bir həftədə güclü yağışların səbəb olduğu daşqınlar nəticəsində 5 nəfər ölüb.

"Operativ Məlumat Mərkəzi-OMM" xəbər verir ki, bu barədə ORF portalı məlumat yayıb.

Fəlakətdən ən çox Çexiya və Slovakiya ilə həmsərhəd olan Aşağı Avstriya federal əyaləti zərər çəkib.

Yüzlərlə insan evlərini tərk etmək məcburiyyətində qalıb.

İspaniyanın şimal-şərqindəki Tarraqona əyalətində azı səkkiz "danq qızdırması" virusu müəyyən edilib.

"Operativ Məlumat Mərkəzi-OMM" xəbər verir ki, bu barədə “El Pais” qəzeti məlumat yayıb.

Məlumata görə, bu, İspaniyanın müasir tarixində qeydə alınan ən böyük epidemiyadır.

Xəstələr arasında Port Aventura əyləncə parkının beş əməkdaşı, həmçinin iki fransız turist də var.

Kataloniya hakimiyyəti yaxın günlərdə yeni yoluxma hallarının müəyyən oluna biləcəyini istisna etmir.

Estoniyanın keçmiş baş naziri Kaja Kallas noyabrın 1-dən Aİ-nin xarici işlər və təhlükəsizlik siyasəti üzrə ali nümayəndəsi vəzifəsinin icrasına başlayacaq.

"Operativ Məlumat Mərkəzi-OMM" xəbər verir ki, bunu Avropa İttifaqının prezidenti Ursula fon der Lyeyen Strasburqda Avropa Parlamenti qarşısında çıxışı zamanı deyib.

"Kaya Kallas, artıq bildiyiniz kimi, bizim ali nümayəndəmiz və vitse-prezidentimiz olacaq. Biz geosiyasi qarşıdurmalar və qeyri-sabitlik dövründəyik. Xarici və təhlükəsizlik siyasətimiz bu reallığın dərk edilməsi ilə müəyyən edilməlidir", - deyə o bildirib.