Gürcüstan parlamentinin dörd komitəsi ölkədə LGBT təbliğatını qadağan edən qanun layihəsini dəstəkləyib.
"Operativ Məlumat Mərkəzi-OMM" xəbər verir ki, iclas parlamentin saytında canlı yayımlanıb.
“Parlamentin dörd komitəsinin hamısı birinci oxunuşda bəyan edilmiş paketi dəstəklədi”, - Gürcüstan parlamentinin təhsil, elm və gənclərlə iş üzrə komitəsinin sədri Givi Mikanadze bildirib.
Qanun layihəsini dəstəkləyən komitələrə Təhsil, Elm və Gənclər Komitəsi, Sənaye İqtisadiyyatı və İqtisadi Siyasət Komitəsi, İnsan Hüquqları və Mülki İnteqrasiya Komitəsi, Səhiyyə və Sosial Məsələlər Komitəsi daxildir.
Qanun layihəsi aparıcı hüquq komitəsinə göndəriləcək, sonra parlamentin plenar iclasında səsverməyə çıxarılacaq.
