Gürcüstan-Azərbaycan yolu nə vaxt tam hazır olacaq?

"2030-cu ilin sonunadək Türkiyə ilə sərhəddən Azərbaycan və Ermənistan sərhədlərinə uzanan Gürcüstan magistralının, demək olar ki, bütün əsas hissələrində tikinti işləri yekunlaşacaq".

"Operativ Məlumat Mərkəzi-OMM" xəbər verir ki, bunu Gürcüstanın Baş naziri İrakli Kobaxidze bildirib.

Baş nazir hökumətin ölkənin strateji mövqeyindən maksimum yararlanmağa çalışdığını və bu məqsədlə nəqliyyat infrastrukturunu inkişaf etdirdiyini vurğulayıb.

"Ölkəmizin strateji mövqeyindən maksimum istifadə etməyə çalışırıq. Hədəflərimizdən biri nəqliyyat infrastrukturunu və tranzit imkanlarını inkişaf etdirməkdir", - deyə İ.Kobaxidze qeyd edib.

Hökumət başçısı bu sahəyə əhəmiyyətli investisiyaların yatırıldığını diqqətə çatdırıb:

"Planımıza əsasən, 2030-cu ilin sonunadək yolun Türkiyə sərhədindən Azərbaycan və Ermənistan sərhədlərinə qədər, demək olar ki, bütün əsas hissələri tamamlanacaq".