İran parlamentinin spikeri Məhəmməd Bağır Qalibaf ABŞ ilə danışıqlar ətrafında ölkə daxilindəki siyasi gərginliklə bağlı sərt açıqlamalar verib.
“Operativ Məlumat Mərkəzi-OMM”xəbər verir ki, Məhəmməd Bağır Qalibaf müşavirlərlə görüşdə ABŞ ilə mümkün razılaşmanın əleyhdarlarını kəskin tənqid edib.
Məlumata görə, o, Vaşinqtonla aparılan danışıqlarda İran nümayəndə heyətinə rəhbərlik etdiyi dövrdə ölkə daxilində formalaşan sərt xətt mövqeli dairələri “ekstremist qruplara bənzər aktorlar” kimi xarakterizə edib. Qalibaf bu şəxslər sırasında Səid Cəlili və millət vəkili Əmirhüseyn Sabetini də qeyd edib.
Spiker bildirib ki, bu qrup dövlət mediasından istifadə edərək cəmiyyətdə ABŞ ilə danışıqlara qarşı müqaviməti gücləndirməyə çalışır.
O, həmçinin özünün və xarici işlər naziri Abbas Əraqçinin vəzifədən uzaqlaşdırılması ilə bağlı yayılan iddialardan narahatlığını ifadə edib.
