Afət Ziyadqızı
İran İslam Şurası Məclisinin sədri Məhəmməd Bağır Qalibaf ABŞ-nin 14 bənddən ibarət anlaşma memorandumunu (MoU) pozduğunu iddia edərək Vaşinqtonun addımlarını sərt şəkildə tənqid edib.
"Operativ Məlumat Mərkəzi-OMM" xəbər verir ki, bu barədə İran parlamentinin sədri Məhəmməd Bağır Qalibaf açıqlama verib.
Məlumata görə, Qalibaf bildirib ki, ABŞ-ni bu addımı əvvəl əldə olunmuş razılaşmalara baxmayaraq, Tehrana qarşı təzyiq siyasətini davam etdirmək niyyətindən xəbər verir.
İran parlamentinin sədri çıxışı zamanı beynəlxalq münasibətlərdə yeni mərhələnin başladığını qeyd edib və "zorakılıq dövrünün artıq başa çatdığını" vurğulayıb.
Onun sözlərinə görə, ABŞ-nin birtərəfli qərarları və öhdəliklərə əməl etməməsi regionda gərginliyi artırır, eyni zamanda diplomatik etimad mühitinə mənfi təsir göstərir.
Qeyd edək ki, Tehran daha əvvəl də Vaşinqtonu sanksiyalar və siyasi təzyiq vasitələrindən istifadə etməklə İranın daxili işlərinə və beynəlxalq öhdəliklərinə müdaxilə etməkdə ittiham edib.
