Fransada ötən gün iğtişaşlarda iştirak edən 157 nəfər həbs edilib.
"Operativ Məlumat Mərkəzi-OMM" xarici KİV-ə istinadən xəbər verir ki, ölkənin daxili işlər nazirliyindən verilən məlumata görə, etirazçılarla təhlükəsizlik qüvvələri arasında baş verən toqquşmalarda 3 polis əməkdaşı xəsarət alıb.
Həmçinin polis məntəqəsi və jandarm kazarmaları hücuma məruz qalıb.
Gecə ərzində ümumilikdə 352 yanğın törədilib.
Xatırladaq ki, Fransada 17 yaşlı Nael adlı yeniyetmənin polis tərəfindən qətlə yetirilməsi ölkədə etiraz aksiyalarının baş qaldırmasına səbəb olub.
Etiraz aksiyaları sonradan iğtişaşlara çevrilib.
Qətldən sonra paytaxt Paris və digər şəhərlərdə 2500-dən çox obyekt, bina və avtomobil yandırılıb, mağazalar qarət olunub.
Ölkədəki vəziyyətlə əlaqədar 10 şəhərdə komendant saatı tətbiq edilib.
Həmçinin paytaxt Parisin bəzi bölgələrində, xüsusən də, Darnetal kommunasında komendant saatı tətbiq olunub.
İğtişaşların yatırılması üçün 45 min polis səfərbər edilib.
