Fransanın xarici işlər naziri Stefan Sejourne İranın İsrailə hava hücumunu şiddətlə qınadıqlarını bildirib.
"Operativ Məlumat Mərkəzi-OMM" xəbər verir ki, Sejourne "X" hesabında verdiyi açıqlamada, "Fransa İranın İsrailə qarşı başlatdığı hücumu ən sərt şəkildə pisləyir", - deyib.
İranın bu misli görünməmiş addımı ilə sabitliyi pozmaqda yeni həddi keçdiyini bildirən Sejourne, İranın bölgədə hərbi gərginliyi artırma riskini götürdüyünü bildirib.
Sejourne bəyan edib ki, Fransa İsrailin təhlükəsizliyinə sadiqliyini və bu ölkə ilə həmrəy olduğunu bir daha bəyan edib.
İsrail ordusu ötən gecə İranın PUA-lardan hücuma keçdiyini və İsrail hava və dəniz qüvvələrinin pilotsuz təyyarələri izlədiyini açıqlayıb.