Fransa hələ də müstəmləkə, səlibçi zehniyyətindən xilas ola bilməyib

Fransa hələ də müstəmləkə, səlibçi zehniyyətindən xilas ola bilməyib
18.12.2023 09:33
Aa
dəq

Fransa hələ də müstəmləkə, səlibçi zehniyyətindən xilas ola bilməyib.

"Operativ Məlumat Mərkəzi-OMM" xəbər verir ki, bu barədə Qərbi Azərbaycan İcmasının yaydığı bəyanatda qeyd olunub.

Bildirilib ki, utanc hissini itirmiş bir qrup fransız ictimai-siyasi xadim, mer 2024-cü ildə BMT-nin İqlim sammitinin (COP29) Azərbaycanda keçirilməsi qərarına etiraz əlaməti olaraq gülünc müraciətlə çıxış ediblər. Bu, Fransa cəmiyyətinin irqçi, islamofob və Azərbaycanofob mahiyyətini bir daha nümayiş etdirir.

Azərbaycana qarşı böhtan atan, daim beynəlxalq hüquqa uyğun hərəkət edən ölkəmizi Fransa ilə səhv salan müraciət müəlliflərinə elə gəlir ki, mühüm beynəlxalq tədbirlər ancaq özünü “beynəlxalq ictimaiyyət” adlandıran bəlli bir qrup ölkələrdə keçirilməlidir. Hiss olunur ki, onlar hələ də müstəmləkə, səlibçi zehniyyətindən xilas ola bilməyiblər.

İrqçi müraciəti imzalayanlar arasında Ann İdalqo, Valeri Pekres, Bruno Reteyo kimi “tanış” simalar var. Valeri Pekres düz iki il əvvəl Fransa prezidentliyinə namizəd olarkən özü ağılda olan Bruno Reteyo ilə birlikdə qanunsuz olaraq Qarabağa soxularaq indi Bakıda həbsxanada çay içərək Azərbaycan məhkəməsinin qərarını gözləyən Araik Arutunyan və David Babayanla görüşmüşdü. Artıq belə irqçilərin ayaqları bir daha Azərbaycan torpaqlarına dəyməyəcək. Ann İdalqo isə bu il “humanitar” yük karvanı ilə Laçın yolu tərəfə gəlib timsah göz yaşı axıdaraq ucuz şou düzəldirdi.

Azərbaycan və Ermənistanın 2023-cü il dekabrın 7-də birbaşa danışıqlarla əldə etdiyi razılıqlar, o cümlədən Ermənistanın Azərbaycanın COP29 namizədliyini dəstəkləməsi fonunda fransız merlərinin belə bir müraciətə imza atması siyasi klounluqdur. Ann İdalqo bu cür sarsaq işlərlə məşğul olmaq əvəzinə qoy gedib Parisin bərbad vəziyyətdə olan olimpiya oyunlarına hazırlığı ilə məşğul olsun.

Fransa və Ann İdalqo kimilərin Azərbaycana qarşı bütün addımları əbəsdir. Zaman göstərdi ki, bu təfəkkürdə olanların Ermənistana köməyi maksimum bir neçə Qarabağ ermənisinə Parisin fəxri vətəndaşı adı verib baş aldatmaq ola bilər.

Qeyd edək ki, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı dekabrın 7-də birgə bəyanat veriblər. Bəndlərdən birində bildirilib ki, xoş niyyətin təzahürü olaraq, Ermənistan BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə öz namizədliyini geri götürür və, Azərbaycan Respublikasının namizədliyini dəstəkləyir.

Dubayda COP28 çərçivəsində qərara alınıb ki, COP29 Bakıda keçirilsin.

Həftənin ən çox oxunanları

İcma: Ermənistan son vaxtlar seçdiyi təhlükəli xəttdən imtina etməlidir

İcma: Ermənistan son vaxtlar seçdiyi təhlükəli xəttdən imtina etməlidir
DAVAMIN OXU davamın oxu

İcma Ermənistan XİN başçısına cavab verib

İcma Ermənistan XİN başçısına cavab verib
DAVAMIN OXU davamın oxu

Qərbi Azərbaycan İcması Ermənistanın sərhəd təxribatını pisləyib

Qərbi Azərbaycan İcması Ermənistanın sərhəd təxribatını pisləyib
DAVAMIN OXU davamın oxu

İcma: "Marukyan kimi “diplomatlar”ın Azərbaycanın suverenliyini təhdid edən fəaliyyətinə son qoyulmalıdır"

İcma:
DAVAMIN OXU davamın oxu

İcma: "AŞPA-nın Azərbaycana qarşı son təxribatı bu qurumun səlibçi, islamofob mahiyyətini bir daha üzə çıxardı"

İcma:
DAVAMIN OXU davamın oxu