OMM Redaksiyası
Fransa rəsmi Londonun Ukrayna ilə bağlı Avropa İttifaqının (Aİ) hərbi müqavilələrində iştirak etməsi üçün Böyük Britaniya qarşısında ciddi şərtlər qoyub.
"Operativ Məlumat Mərkəzi-OMM" xəbər verir ki, bu barədə məlumatı "Telegraph" nəşri yayımlayıb.
Məlumata görə, Paris Britaniyanın bu müqavilələrə çıxış əldə etməsi müqabilində ittifaqın hərbi layihələrinə irimiqyaslı investisiyalar yatırmasını tələb edir.
Fransanın bu addımı atmaqda əsas məqsədi vəsaitlərin Aİ-nin daxili silah sənayesinin inkişafına yönəldilməsini təmin etməkdir.
Diplomatik mənbələr bildirir ki, Fransa Britaniyanın layihədə iştirakı üçün ödəyəcəyi məbləğin mümkün qədər yüksək olmasında israr edir.
Aİ ölkələri hazırda blokdan kənar dövlətlərin Ukrayna üçün ayrılan 90 milyard avroluq kredit çərçivəsində müqavilə bağlaması üçün öncədən ödəniş etməsi imkanlarını müzakirə edir.
Qeyd edək ki, Fransa daha əvvəl Britaniyanın Aİ hərbi müqavilələrində iştirakını bloklayaraq, maliyyə resurslarının birliyin daxili potensialının gücləndirilməsinə xərclənməsinə üstünlük verdiyini nümayiş etdirmişdi.
