Finlandiyada yanacaq qiymətləri artdı

Finlandiyada yanacaq qiymətləri Yaxın Şərq böhranı səbəbindən mart ayında 40%-dən çox artıb.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

Bildirilib ki, 2026-cı ilin mart ayında yanacağın orta qiyməti əvvəlki aya nisbətən artıb.

Orta qiymətdə ən böyük aylıq dəyişiklik yüngül neft yanacağında (40,9%), ən kiçik dəyişiklik isə 98-ci dərəcəli benzində (9,1%) müşahidə olunub.

Bu ilin mart ayında yüngül yanacağın qiyməti 2025-ci ilin eyni dövrü ilə müqayisədə 42% artıb.

Mart ayında dizel yanacağının qiyməti 2,10 avro, 95-ci dərəcəli benzinin qiyməti litri üçün 1,90 avro, yüngül yanacaq mazutun qiyməti isə 1,80 avro olub.

Qeyd edək ki, fevralın 28-də ABŞ və İsrailin İrandakı hərbi əməliyyatları və İranın cavab zərbələri fonunda Hörmüz boğazından keçən gəmiçilik demək olar ki, dayanıb.

Dünya neft tədarükünün iyirmi faizi bu boğazdan keçir. Bu, əksər ölkələrdə yanacaq qiymətlərinin kəskin şəkildə artmasına səbəb oldu.