İsrailin Qəzza zolağındakı hərəkətlərinə son qoymaq üçün beynəlxalq ictimaiyyət güclərini birləşdirməlidir.
"Operativ Məlumat Mərkəzi-OMM" xəbər verir ki, bunu Türkiyənin xarici işlər naziri Hakan Fidan Ərəb Dövlətləri Liqası Şurasının Qahirədə baş tutan xarici işlər nazirləri səviyyəsində iclasında iştirakının yekunlarına dair bəyanatında deyib.
“Beynəlxalq sistem Fələstində soyqırımı dayandıra bilmədiyi üçün bir araya gəlmək və birlikdə hərəkət etmək artıq seçim deyil, məsuliyyətdir. Bu gün Qəzzada tökülən qan İsrailin keçmiş hücumlarına görə cəzasız qalmasının nəticəsidir. Eyni əzmlə İsrailin qanunsuz hərəkətlərini dayandırmaq üçün beynəlxalq ictimaiyyətə təzyiq göstərməyə davam edəcəyik. İsrailə qarşı mübarizə təkcə Fələstinin deyil, bütün bəşəriyyətin mübarizəsidir”, - deyə nazir bildirib.
