Türkiyə "Fənərbağça"sı növbəti transferini gerçəkləşdirib.

"Operativ Məlumat Mərkəzi-OMM" klubun rəsmi saytına istinadən xəbər verir ki, İstanbul təmsilçisi Polşa millisinin və Rusiyanın "Dinamo" (Moskva) komandasının futbolçusu Sebastyan Şimanskini heyətinə qatıb.

"Bülbüllər" 24 yaşlı yarımmüdafiəçinin keçidi üçün Moskva təmsilçisi ilə danışıqlara başlanıldığını İctimaiyyəti Məlumatlandırma Platformasına (KAP) bildirib.

Qeyd edək ki, Polşa "Legiya"sının yetirməsi olan Sebastyan Şimanski ötən mövsümü icarə əsasında Niderlandın "Feyenoord" komandasında keçirib.

Türkiyə Super Liqasında bu gün "Qalatasaray" komandası səfərdə "Fənərbağça" ilə üz-üzə gələcək.

 "Operativ Məlumat Mərkəzi-OMM" xəbər verir ki, ölkə çempionatının VI turunda keçiriləcək görüşü Atilla Karaoğlan idarə edəcək.

"Ülkər" stadionunda Bakı vaxtı ilə saat 21:00-da başlayacaq İstanbul derbisi komandalar arasında 135-ci olacaq. İndiyə qədər keçirilən görüşlərin 53-də "Fənərbağça", 37-də isə "Qalatasaray" qələbə qazanıb. Qalan 44 oyun heç-heçə nəticələnib. Komandaların aralarındakı son 10 matçda "Qalatasaray" 5, "Fənərbağça" 3 qələbə qazanıb. Digər iki oyun 0:0 hesablı heç-heçə ilə yekunlaşıb.

"Fənərbağça" klubu ölkə çempionatları tarixində "Qalatasaray"ı ən çox məğlub edən (53) və bu rəqibə ən çox qol vuran (163) kollektivdir.

"Qalatasaray" Okan Burukun rəhbərliyi altında "Fənərbağça"ya qarşı keçirdiyi son 4 oyunda cəmi bir dəfə məğlub olub (19 may 2024-cü il, 0:1).

Qeyd edək ki, "Qalatasaray" hazırda 15 xalla turnir cədvəlinə rəhbərlik edir. Joze Mourinyonun baş məşqçisi olduğu "Fənərbağça" isə 13 xalla ikinci pillədə qərarlaşıb.

Azərbaycan Premyer Liqasının VII turunda bu gün daha bir oyun baş tutacaq.

"Operativ Məlumat Mərkəzi-OMM" xəbər verir ki, "Turan Tovuz" klubu doğma meydanda "Araz Naxçıvan"la qarşılaşacaq.

Tovuz Şəhər Stadionunda keçiriləcək görüşün start fiti saat 18:00-da səsləndiriləcək. Oyunu FIFA referisi Elçin Məsiyev idarə edəcək. Hazırda "Turan Tovuz" 14 xalla turnir cədvəlinin ikinci pilləsində qərarlaşıb. 5-ci yerdə olan "Araz-Naxçıvan"ın isə 10 xalı var.

Azərbaycan Premyer Liqası

VII tur

21 sentyabr

18:00. “Turan Tovuz” – “Araz-Naxçıvan”

Hakimlər: Elçin Məsiyev, Elşad Abdullayev, Pərvin Talıbov, Tural Qurbanov
VAR: Rauf Allahverdiyev
AVAR: Rəhman İmami
Hakim-inspektor: Babək Quliyev
AFFA nümayəndəsi: Elçin Mehtiyev
Tovuz şəhər stadionu

Qeyd edək ki, VII turun ötən gün keçirilən görüşlərində "Şamaxı" səfərdə "Kəpəz"i 2:0, "Qarabağ" isə "Azərsun Arena"da "Neftçi"ni 4:0 hesabı ilə məğlub edib. VII tura sabah baş tutacaq iki oyunla yekun vurulacaq.

“Dinamo” baş məşqçisi Sergey Yakiroviçlə yolları ayırıb.

"Operativ Məlumat Mərkəzi-OMM" klubun saytına istinadən xəbər verir ki, komandanın Çempionlar Liqasının Liqa mərhələsində "Bavariya"ya 2:9 hesabı ilə uduzduğu oyundan sonra bu qərar verilib.

Bosniyalı mütəxəssislə müqavilə qarşılıqlı razılaşma əsasında ləğv edilib.

S.Yakiroviç 2023-cü ilin yayından Zaqreb təmsilçisini çalışdırırdı.

Çempionlar Liqasında Liqa mərhələsinin I turunun oyunlarından sonra həftənin ən yaxşı futbolçusu adına namizədlər bəlli olub.

"Operativ Məlumat Mərkəzi-OMM" xəbər verir ki, bu barədə UEFA-nın rəsmi saytı məlumat yayıb.

Siyahıda dörd oyunçu yer alıb. Onlardan üçü Almaniya təmsilçilərinin üzvləridir.

Bunlar "Bavariya"dan Harri Keyn, "Bayer 04"dən (Leverkuzen) Florian Virts, "Borussiya"dan (Dortmund) Ceymi Bayno-Qittens və İspaniyanın "Atletiko" klubundan Antuan Qrizmanndır.

Qeyd edək ki, qalib UEFA-nın rəsmi saytında səsvermə yolu ilə müəyyənləşəcək.

Azərbaycan Respublikasının Prezidenti İlham Əliyev sentyabrın 19-da Ağdam şəhərində “İmarət” stadionunun təməlini qoyub.

"Operativ Məlumat Mərkəzi-OMM" xəbər verir ki, bu barədə Prezidentin Mətbuat Xidməti məlumat yayıb.