Afət Ziyadqızı
Fələstin Milli Administrasiyasının prezidenti Mahmud Abbas İsrailin Qəzza zolağının mərkəzindəki Nuseyrat qaçqın düşərgəsinə hücumları ilə bağlı BMT Təhlükəsizlik Şurasının təcili iclasını tələb edib.
"Operativ Məlumat Mərkəzi-OMM" xəbər verir ki, onun sözlərini WAFA agentliyi sitat gətirib.
“Prezident Mahmud Abbas Fələstinin BMT-dəki xüsusi nümayəndəsinə nəticələri müzakirə etmək üçün BMT Təhlükəsizlik Şurasının təcili iclasının keçirilməsini tələb etməyi tapşırıb...” mesajda deyilir.
Qeyd olunub ki, Abbas “davam edən İsrail təcavüzünə qarşı” BMT Təhlükəsizlik Şurasının təcili iclasını çağırmaq üçün müvafiq ərəb və beynəlxalq tərəflərlə əlaqə saxlayır.
