OMM Redaksiyası
"Ermənistanın Avropa İttifaqınə yönəlik addımları səbəbindən bu ölkə ilə iqtisadi münasibətlərin gələcəyi ilə bağlı narahatdırlar".
“Operativ Məlumat Mərkəzi-OMM” xəbər verir ki, bu sözləri Rusiyanın baş nazir müavini Aleksey Overçuk deyib.
Overçuk Rusiya Prezidenti Vladimir Putin ilə Ermənistanın baş naziri Nikol Paşinyan arasında Moskvada keçirilən görüşdən sonra açıqlama verib.
O, Türkiyə ilə Azərbaycan arasında birbaşa dəmir yolu xəttinin tikintisinin davam etdiyini vurğulayaraq deyib:
“Bu mövzu ilə maraqlanan hər kəs üçün Azərbaycan ilə Türkiyə arasında birbaşa dəmir yolu bağlantısının olması hər iki ölkə üçün ayrıca dəyərdir.”
Overçuk qeyd edib ki, Ermənistan rəhbərliyi Avrasiya İqtisadi İttifaqı və Rusiya ilə münasibətlərə önəm verdiklərini bəyan edir.
“Sözləri əməllərlə müqayisə etdikdə belə nəticəyə gəlirik ki, həmkarlarımız Ermənistanla iqtisadi münasibətlərimizi artıq fərqli şəkildə qurmaq məcburiyyətində qalacağımız nöqtəyə çox yaxınlaşıblar”, - o əlavə edib.
