Laçın istiqamətində Ermənistanın törətdiyi təxribatın təfərrüatları açıqlanıb.
"Operativ Məlumat Mərkəzi-OMM" xəbər verir ki, bu barədə "Caliber" məlumat yayıb.
Qeyd olunub ki, bu gün bir qrup erməni hərbçi mövqelərimizə yaxınlaşaraq mühəndis strukturlarının tikintisinə hazırlıq görməyə başlayıb. Hərbçilərimizin geri çəkilmə ilə bağlı sərt xəbərdarlığına cavab olaraq Ermənistan tərəfi mövqelərimizi intensiv atəşə tutub. Bundan sonra gərgin döyüş başlayıb.
Həmçinin, Ermənistan tərəfi artilleriyadan istifadə edir, düşmənin PUA-ları səmada aktiv şəkildə fəaliyyət göstərir.
Bu gün baş verənlər Azərbaycanın ərazi bütövlüyü və suverenliyinə qəsddir və buna görə Ermənistan çox ağır məsuliyyət daşıyacaq.
