Ermənistanın təhlükəsizlik qüvvələri Manukyanın evində axtarış aparıb

Ermənistan Təhlükəsizlik qüvvələri Ermənistan parlamentinin müxalif “Ermənistan” qrupundan olan deputatı Qeqam Manukyanın evində axtarış aparır.

"Operativ Məlumat Mərkəzi-OMM" xəbər verir ki, bu barədə Ermənistanın “Hraparak.am” internet nəşri məlumat yayıb.

"Səhər saatlarında İstintaq Komitəsi və bir qrup MTN əməkdaşı Daşnaksütyun Partiyasının üzvü, Milli Assambleyanın deputatı Qeqam Manukyanın evinə basqın edib. Manukyanın evində axtarış aparılır",- deyə məlumatda bildirilib.

İstintaq Komitəsindən hələlik rəsmi məlumat yoxdur. İstintaqın səbəbləri açıqlanmayıb.