Ermənistandan sığınacaq istəyən İran vətəndaşlarının sayı açıqlanıb.
"Operativ Məlumat Mərkəzi-OMM" Erməni KİV-ə istinadən xəbər verir ki, bu barədə Ermənistanın Daxili İşlər Nazirliyinin Miqrasiya və Vətəndaşlıq Xidməti məlumat yayıb.
İran vətəndaşları Ermənistandan sığınacaq istəyən ölkələr siyahısında üçüncü yerdə qərarlaşıb. Belə ki, ötən il 106 iranlı bu ölkədən sığınacaq istəyib. 2022-ci ildə 30 vətəndaşın müraciətinə baxılması dayandırılıb, 17 sığınacaq müraciətinə rədd cavabı verilib, 19 nəfər qaçqın statusu alıb və İranın 3 vətəndaşının qaçqın statusuna xitam verilib.
Ötən il ən çox Ukrayna vətəndaşı Ermənistana sığınacaq üçün müraciət edib ki, bunların da sayı 484 nəfər olub.
